У Беларусі распачаліся пошукі месцаў для будаўніцтва сховішча ядзерных адходаў. Разгледжваюцца тры патэнцыйныя пляцоўкі: у Хойніцкім раёне Гомельскай вобласці, у Мсціслаўскім раёне Магілёўскай вобласці і ў Астраўцкім раёне Гродзенскай вобласці, дзе размяшчаецца Беларуская атамная электрастанцыя. Хойніцкі раён знаходзіцца недалёка ад мяжы з Украінай і быў моцна закрануты Чарнобыльскай катастрофай. Улады Беларусі плануюць пачаць адкрытае грамадскае абмеркаванне выбару пляцоўкі для будаўніцтва ядзернага магільніка ўжо ў жніўні.