Каля тысячы пляцовак для паасобнага збору смецця ля шматпавярховікаў і каля 10 тысяч ў прыватным сектары плануюць усталяваць да канца чэрвеня бягучага года ў Гродне. На дадзеным этапе, запланаваны аб’ём работ на пляцоўках камунальнікамі выкананы на 15%. Паралельна гэтаму, магутнасці набірае смеццесартавальны завод, што ля абласнога цэнтра. Як агучваецца, з лютага тутэйшыя лініі пачнуць працаваць на поўную моц і ў тры змены.