Прэміі “Беларускі спартыўны Алімп” 2016 года прызначаны. Адпаведным указам, падпісаным кіраўніком дзяржавы, вызначаны тры лаўрэата, якія ўнеслі значны ўклад у развіццё і папулярызацыю спорту ў Беларусі. У спісе ўганараваных - выкладчык па баскетболе Гродзенскага вучылішча алімпійскага рэзерву, трэнер жаночай баскетбольнай каманды “Алімпія”, Аляксандр Шымкавяк. Па вяртанні з урачыстай цырымоніі ў Палацы Рэспублікі, знакаміты гродзенец адразу прыступіў да сваіх прамых абавязкаў.