http://tvgrodno.by/ Увесь наступны тыдзень у Гродне будзе прысвечаны праваслаўнай культуры і хрысціянскім традыцыям. Абласны цэнтр рыхтуецца прыняць гасцей 16-га Міжнароднага фестывалю праваслаўных песнапенняў “Каложскі благавест”. Як чакаецца, прыедуць хоры з Сербіі, Арменіі, Румыніі, Украіны і Расіі. Свой узровень выканання песнапенняў прадэманструюць таксама лепшыя калектывы Гродзенскай епархіі, якія паспяхова прайшлі папярэдні адбор. Пры гэтым далучыцца да фестывалю сёлета зможа любы жадаючы: на сайце епархіі будзе арганізавана прамая інтэрнэт-трансляцыя галоўных канцэртаў.