ТРК Гродно. Новости на канале Беларусь 4 Гродно. http://tvgrodno.by/ Новы навучальны год распачнецца зусім па-новаму для курсантаў Гродзенскага абласнога кадэцкага вучылішча. Рашэнне аб тым, каб перамясціць вучэбную ўстанову за межы абласнога цэнтра, было прынята адносна нядаўна. Літаральна днямі быў прызначаны і новы кіраўнік вучылішча. А таму зараз, незважаючы на тое, што да першага званка застаюцца лічаныя дні, у былым будынку Парэцкай школы-інтэрната, дзе цяпер будуць вучыцца і пражываць прынёманскія кадэты, працягваюць наводзіць глянец і вырашаць арганізацыйныя моманты. Між тым сёлетняе наваселле – гэта толькі першы крок, які дазволіць вывесці падрыхтоўку кадэтаў у рэгіёне на якасна новы ўзровень.