У Францыі адбылася трэцяя сустрэча парламэнцкіх груп «За дэмакратычную Беларусь». У мерапрыемстве прынялі ўдзел Святлана Ціханоўская і Фрэдэрык Пэтці, кіраўнік групы ў Французскім парламенте. Канферэнцыя складалася з дыскусій, на якіх абмяркоўваліся пытанні міжпарламенцкага супрацоўніцтва, роля Францыі і Еўропы ў падтрымцы дэмакратычных зменаў у Беларусі, а таксама паляпшэнні становішча беларусаў у выгнанні. Таксама разглядаліся пытанні мабільнасці, еўрапейскай палітыкі ў адносінах да Беларусі і сітуацыя з палітычнымі зняволенымі. У абмеркаванні прымалі ўдзел і былыя вязні, вызваленыя за апошнія месяцы. Міністр замежных спраў Францыі правёў урачысты прыём для ўдзельнікаў канферэнцыі і выказаў падтрымку дэмакратычным зменам у Беларусі. Па выніках сустрэчы была прынята Парыжская дэкларацыя, а наступная канферэнцыя запланавана на пачатак 2026 года.