У Пэкіне Аляксандар Лукашэнка ўдзельнічаў у вайсковым парадзе, прысвечаным 80-й гадавіне заканчэння Другой сусветнай вайны, разам з лідэрамі аўтарытарных дзяржаў. Заходнія лідэры праігнаравалі гэтую падзею. Напярэдадні парада Лукашэнка ўдзельнічаў у саміце Шанхайскай арганізацыі супрацоўніцтва (ШАС), дзе абмяркоўваліся праблемы, не звязаныя з Беларуссю. Лукашэнка акцэнтуе ўвагу на тым, што сяброўства ў ШАС з'яўляецца «стратэгічным выбарам Беларусі», аднак гэта больш асабісты выбар самога Лукашэнкі. Палітычны аглядальнік Валер Карбалевіч аналізуе, чаму афіцыйны Менск паварочвае на Ўсход і што Лукашэнка шукае ў Кітаі.