Рашучы пратэстны марш Чуеш? Мы выйшлі з хат, кватэр. Мы сёння разам. Мы выйшлі бараніць свае правы. Мы не жадаем больш трываць абразы. Кіпіць наш гонар, бо ён шчэ жывы! Мы за спакой, за роўнасць, за павагу, каб кожны лёс па справах атрымаў. Мы супраць гвалту. Больш мы не жадаем, каб Беларуссю злодзей кіраваў. А ён сядзіць, як таракан, на троне, сыходзіць не збіраецца зусім. Але ж мы яму разам дапаможам з улады і з гісторыі сысці. Сыходзь! Чуеш ты? Злазь! Табе звольніў народ! Табе досыць ужо нашую волю смактаць. Сыходзь! Чуеш? Сыдзі! Стаміў брыдкай хлуснёй. Долі батрацкай тваёй нам не патрэбна зусім! Вар'ят і кат, хлуслівы ашуканец, сусветнага увасабленне зла. Спустошыў вёскі дурань і паганец, заводы і навукі паламаў. Абрабаваў ён кожнага да дзірак, таемна ў кожны гаманец залез. Абураны паўстаў народ-асілак, на плошчы выйшаў як адзіны ўвесь. Мы ўбачылі сябе. Калі мы разам, мы незлічонасць, прыгажосць і моц. Мы маем гонар. Злодзеям і гадам нашчадкаў лёс спаганіць не дамо! Далоў! Чуеш? Далоў! Досыць нам слухаць хлусню. Выганім кодлу тваю. Звольнім з улады аслоў. Паўстаў. Чуеш? Народ. Жыць мы жадаем інакш. Добры паважлівы лад хутка мы вернем дамоў. Прыйшоў. Чуеш? Прыйшоў ўлады мярзотнай фінал. Я яго столькі чакаў. Ў марах цябе я хаваў. Ідзе. Чуеш? Ідзе іншы нязлыдневы час. Не для цябе, а для нас лепшую долю нясе. Бывай. Чуеш? Бывай. Далей жыву без цябе. Дзякуючы барацьбе волю сваю атрымаў. Пяю. Чуеш? Пяю. Радасць у сэрцы жыве. Хай пераможны мой спеў чуюць у кожным кутку. Пяю. Чуеш? Пяю. Радасць у сэрцы жыве. Хай пераможны мой спеў чуюць у кожным кутку.