Расейскі авіяперавозчык «Аэрофлот» другі дзень запар адменяе рэйсы ў выніку хакерскага нападу беларускіх «Кібэрпартызанаў» і праукраінскай групы Silent Crow. Хакеры завяршылі сваё паведамленне словамі «Слава Україні! Жыве Беларусь!». У жывым эфіры «ПіКа» Свабоды журналістка Ганна Соўсь абмяркоўвае сучасныя метады супрацьстаяння расейскай агрэсіі. У размове ўдзельнічаюць прадстаўніца беларускіх кібэрпартызанаў Юліяна Шаметавец і ізраільскі вайсковы аналітык Давід Гендэльман. Размова закранае тэмы кібератак і іх уплыву на міжнародную сітуацыю.