Сустаршыня Беларускай хрысціянскай дэмакратыі Павел Севярынец, які з 7 чэрвеня 2020 года знаходзіцца за кратамі, даслаў верш да дня народзінаў сваёй жонкі Вольгі. Сем месяцаў мы не заплюшчвалі вочы Побач адно з адным, Сем год мы дыхалі дні і ночы Ветрам і Духам Святым. І хай яшчэ будзем сем сядзьмінаў Жывыя плоццю адной - Ніколі я цябе не пакіну, Заўсёды буду з табой. Заўсёды з табой, мая Каралева, Як мы абяцалі там, Дзе Госпад нашчадкаў Адама і Евы Навечна злучае Сам. Хай лёд, хай мор, хай халоднае мора Хай сэрца замрэ ад тугі - У шчасці разам, разам і ў горы Па самыя берагі. Бо Ён Сваіх дзяцей не пакіне Ні ў радасці, ні ў бядзе: Возьме на рукі, вынесе з плыні, Нават калі ўпадзем. У гэтым узросце, мая Святая, Госпад пайшоў у свет. У гэтым узросце і мы ступаем У Ягоны ледзь бачны след. У гэтым веку, мая Агнюся, Палаць нам Ягоным вагнём Сэрца гарыць - быць спадзяюся Вартым цябе Каралём. Краіна рушыць шляхам Ягоным, Над намі Ягоны сцяг. Біч, суды, пляўкі і праклёны І нават цвікі ў касцях. Калі мы і праўда Яго насенне І ў нас Ягоная кроў - Мы станем народам Уваскрасення І ў свет панясем любоў. Нашая старонка – https://bchd.info/ Падпісвайцеся на наш канал http://bit.ly/2MAXMYw Далучыся да нас у сацыяльных сетках FACEBOOK – http://bit.ly/2ZrgvaV TELEGRAM – https://t.me/bchd_info VKONTAKTE – http://bit.ly/2TWYBfj OK.ru – http://bit.ly/33U8BKL INSTAGRAM – https://bit.ly/3cSa0oJ TWITTER – http://bit.ly/2PcdFXL Па ўсіх пытаннях – bchd.info@gmail.com #выборы2020 #протест #БХД