Песьня "У нядзельку параненьку", вядомая таксама пад назвамі "Слава Воршы" альбо "Перамога пад Воршай", лічыцца беларускай народнай. Упершыню была апублікаваная Вацлавам Ластоўскім у 1918 у кнізе «Выпісы зь беларускай літаратуры» разам зь некаторымі іншымі фальклёрнымі творамі. Ой, у нядзельку параненько Узышло сонейко хмарненько, Узышло сонейко над борам, Панад Селецкім таборам. А ў таборы трубы граюць, Да ваяцкае парады зазываюць, Сталі рады адбываці, Аткуль Воршы дабываці: А ці с поля, а ці зь лесу, А ці з рэчкі невялічкі? Ані з поля, а ні зь лесу, Толькі з рэчкі невялічкі! А ў нядзельку параненьку Сталі хлопцы-пятыгорцы, Каля рэчкі на прыгорцы: Гучаць разам з самапалоў, Зь сяміпадых ад запалоў; Б’юць паўсоткаю з гарматоў… Масква стала нарэкаці, Место Воршу пакідаці; А як з Воршы ўцекалі, Рэчку невялічку пракліналі: «Бадай ты, рэчка, сто лет высыхала, Як нашая слава тутка прапала; Бадай высыхала да сканчэньня сьвету, Што нашай славанькі ўжо нету!». Слава Воршы ўжо ня горша Слаўся, пан Астрожскі! http://www.belaruspartisan.org/bel/blogs/navicki/15049/ #безфанаграмы #withoutphonogram