У выдавецтве "Логвіноў" пабачыла свет чарговая кніга. Зборнік прозы называецца "Сіняя кніга беларускага алькаголіка", у якой аўтар, Антон Кулон, апавядае пра багемнае жыццё сталіцы 70-х і 80-х гадоў. Кажа прэс-дырэктар кнігарні "Логвіноў" Павел Касьцюкевіч: -- Выйшла "Сіняя кніга беларускага алькаголіка" -- кніга пра Мінск 70-х, пра культурніцкае жыцьцё. Аўтар гэта ўсё разглядае праз шкло пляшкі гарэлкі. Крыху падрабязнасьцяў. Антон Кулон гэта прайшоў і ўсім не раіць. Кніга падзеленая на дзьве ўмоўныя часткі: "п'яныя прыгоды" і "вызваленьне ад залежнасьці". "Алькагалічная" палова кнігі: культурніцкая тусоўка Мінска 70-х і 80-х: пісьменьнікі Габрусёў і Стральцоў, гуру багемы Кім Хадзееў. Што, дзе, па колькі на брата. У другой частцы аўтар спрабуе глянуць па-новаму на гэты асаблівы шлях і на людзей, якія йдуць тою цяжкой сапраўды ваеннай дарогай. Аўтар адкідае стэрэатыпныя пагляды на алькагольную праблему ды сцьвярджае: алькагольная залежнасьць -- сур'ёзнае захворваньне, алькаголік -- гэта ня нейкі там чужы, сьметнікавы бомж, а ваш блізкі сябра, ваш знаёмы пісьменьнік, мастак, славуты рок-музыка ці оперны спявак. А мажліва -- гэта вы. На відэё з прэзэнтацыі кнігі сьпявае вядомы бард, музыка Алесь Камоцкі. 20.09.12. Фота з прэзэнтацыі: https://www.facebook.com/media/set/?set=a.357758760973732.85256.100002188321747&type=3 Матэрыялы, узятыя з блёгу Навіцкі на "Беларуспартызане".