Святлана Ціханоўская ў сваім інтэрв’ю распавяла пра сустрэчы з лідарамі дзяржаў НАТО, падкрэсліўшы, што толькі дэмакратычная Беларусь можа стаць крыніцай бяспекі для рэгіёну. Яна адзначыла, што Аляксандр Лукашэнка не служыць інтарэсам Беларусі, а дзейнічае ў інтарэсах Расіі. Ціханоўская заклікала не адкладаць беларускія пытанні на потым і падзялілася меркаваннем пра новыя палітычныя ініцыятывы Дональда Трампа, якія могуць быць карыснымі для Беларусі. Акрамя таго, яна сустрэлася са спецыяльным пасланнікам Трампа Кітам Кэлагам за некалькі месяцаў да яго візіту ў Беларусь. Інтэрв’ю правёў Сяргей Пеляса.