Тут больш пра беларускую музыку t.me/MUZYKOWSKI_TG А ў Беларусь калісьці прыязджалі зоркі сусветнага ўзроўню. Напрыклад, Мэрлін Мэнсан. Памятаеце такое? Хачу распавесці пра некалькі самых яркіх шоу. Напішыце ў каментах, пра які яшчэ канцэрт у Беларуси варта распавесці ў наступных відосах. Ну вось, напрыклад, у 2012 годзе ўсе бегалі з прароцтвамі Майя і чакалі канец свету. І менавіта апакалипсису чакалі ад прыезду страшэннага Мэрліна Мэнсана. Беларуская прапаганда і ідэолагі сваёй крытыкай так нашумелі, што зрабілі гэтаму канцэрту наймагутнейшую прома-кампанію — і Палац спорту быў запоўнены пад завязку, нават нягледзячы на абмежаванне 18+. Сам жа Мэнсан, чый пік быў у нулявых, да турнэ 2012 года ўжо страціў правакатыўнасць, стырчаўся і набраў лішнюю вагу. Але калі казаць пра шоу — яно было моцнае. Мінск такога не бачыў. Дэкарацыі змяняліся амаль у кожнай песні, Браян Уорнер выходзіў то ў форме эсэсаўца, то ў фартуху мясніка з мікрафонам-кастэтам, ляжаў на сцэне, поўзаў на каленях — карацей, эпатаж быў на максімум. На першыя рады тацпола, і без таго знясіленага слэмам і стэйдждайвінгам, лілі пену, сыпаліся тэатральныя ільдзінкі і канфеці. Мэнсан адыграў усяго гадзіну. І, нягледзячы на страхі маралістаў, нічога не адбылося — нябёсы не ўпалі, дажджу з жаб не было. Нават крыху крыўдна, праўда?