21 мая 2021 года ў шклоўскай калоніі №17 у Магілёўскай вобласці загінуў беларускі актывіст Вітольд Ашурок. Яго смерць выклікае мноства пытанняў у родных і блізкіх. У сувязі з гадавіной трагічнага здарэння праваабаронцы цэнтра «Вясна» прапанавалі абвясціць гэты дзень Днём салідарнасці з палітвязнямі. Напярэдадні гэтай даты ў Літве, Польшчы і іншых краінах палітычныя эмігранты з Беларусі арганізуюць акцыі салідарнасці на падтрымку тых, хто знаходзіцца ў зняволенні з-за сваіх перакананняў.