21 мая адзначаецца Міжнародны дзень салідарнасці з беларускімі палітзняволенымі, у памяць пра Вітольда Ашурку, які памёр чатыры гады таму ў Шклоўскай выпраўленчай калоніі. Паводле дадзеных праваабарончага цэнтра «Вясна», у Беларусі прызнаны палітзняволенымі 1189 чалавек, і сітуацыя з іх утрыманнем працягвае пагаршацца. Узятыя ў палон сутыкаюцца з нечалавечымі ўмовамі, катаваннямі і ціскам з боку сілавікоў на іх блізкіх. У прамым эфіры праграмы “Гарачы каментар” экс-палітзняволеная і актывістка Алана Гебремарыям абмяркуе актуальныя і балючыя тэмы, якія тычацца палітзняволеных, і магчымыя шляхі дапамогі ім. У відэа таксама папярэджваюць пра наяўнасць адчувальнага кантэнту, які можа выклікаць трывогу.