Касцёл Найсвяцейшай Дзевы Марыі ў Мсціславе. Грандыёзны помнік беларускага архітэктурнага сінкрэтызму, што ўвабраў у сябе павевы архітэктурнай моды стагоддзяў, цягам якіх будаваўся і перабудоўваўся. Жывы музей унікальнага кармеліцкага фрэскавага роспісу, што скрозь гады данёс да нас выявы страшных падзей, сведкам якіх і быў гэты храм. Тэлеперадача "Архітэктура Беларусі" пазнаёміць гледачоў з архітэктурнымі помнікамі Беларусі, у разнастайных стылях якіх адлюстраваны ўплыў як усходняй, так і заходняй культуры. Кожны выпуск прысвечаны аднаму архітэктурнаму аб'екту. Праект створаны ТАА "Вiдэамануфактура" па заказе тэлеканала «Беларусь 3» www.videomanufactura.by