Чыгуначны вакзал у Брэсце. Архітэктурны тытан, які ўсяляе манументальнае трапятанне, пры першым поглядзе на яго магутныя сцены. Парадныя вароты некалі вяликай дзяржавы-пераможцы. Будынак, што аб'яднаў у сабе раскошу барока, ўраўнаважанасць ар-дэко і велічнасць рымскага класіцызму. Якія сакрэты тоіць гэтая пампезная квінтэсенцыя сталінскай архітэктуры? «Архітэктуры Беларусі!» Тэлеперадача "Архітэктура Беларусі" пазнаёміць гледачоў з архітэктурнымі помнікамі Беларусі, у разнастайных стылях якіх адлюстраваны ўплыў як усходняй, так і заходняй культуры. Кожны выпуск прысвечаны аднаму архітэктурнаму аб'екту. Праект ствараецца ТАА "Вiдэамануфактура" па заказе тэлеканала «Беларусь 3» Белтэлерадыякампаніі.