(1) Ля веснiц матулiнай хаты З блакiтам азёрным кусты Ламаю букецiк бухматы, I бегам на бераг круты На беразе наша спатканне Я любай дарую букет Здаецца, у гэтае ранне Вiтае нас цэлы сусвет Прыпеў: Блакiтнага бэзу галiнка Табе пакланiцца я рад Вярнула ты мне на хвiлiнку Юнацтва далёкага сад Блакiтнага бэзу галiнка Пяшчота пары залатой Вярнула ты мне на хвiлiнку Красу маладосцi маёй (2) Пад звонкiя гукi вяснянак Павольнаю хваляй плывём Васёлыя вочы каханай Iскрацца блакiтным агнём Блакiтная снiцца дарога З блакiтнымi вокнамi дом Пра час развiтання трывогу Мы ў даль адганяем вяслом (3) На беразе наша спатканне Я любай дарую букет Здаецца, у гэтае ранне Вiтае нас цэлы сусвет Здаецца, у гэтае ранне Вiтае нас цэлы сусвет Вiтае нас цэлы сусвет! --- музыка М.Алешка, словы У.Пецюкевiч