Так спрадвеку павялося, Што знайсці мы ўсе павінны Свайго шчасця, свайго лёсу, Свайго сэрца палавіну. Як людзей ні судзіш строга, Ды без жончынага вока Ты яшчэ сябе самога Разумееш неглыбока. Прыпеў: Так было, i будзе так Як казаў адзiн дзiвак Так было, i будзе так Будзе так, будзе так I пакуль ты адзінокі Пасярод жыццёвай прозы,— Ты як быццам аднабокі, Несалідны, несур'ёзны. Хоць дасведчаны і знаны I жывеш на ўзроўні века, Ты ўсё роўна без каханай — Палавіна чалавека. Прыпеў. Так што вер наіўным вершам I навек адно запомні: Толькі любую сустрэўшы, Станеш ты нарэшце поўны. Ды глядзі ж (I так бывае), Каб цябе не падлавіла Дарагая, дзелавая, Ды чужая палавіна. Прыпеў. --- песня "Палавiнка", другая назва "Будзе так" спяваюць Я.Паплаўская i А.Цiхановiч на верш "Напамiн халасцяку", Генадзь Бураўкін --- Генадзь Бураўкін НАПАМІН ХАЛАСЦЯКУ Так спрадвеку павялося, Што знайсці мы ўсе павінны Свайго шчасця, свайго лёсу, Свайго сэрца палавіну. I пакуль ты адзінокі Пасярод жыццёвай прозы,— Ты як быццам аднабокі, Несалідны, несур'ёзны. Хоць дасведчаны і знаны I жывеш на ўзроўні века, Ты ўсё роўна без каханай — Палавіна чалавека. Як людзей ні судзіш строга, Ды без жончынага вока Ты яшчэ сябе самога Разумееш неглыбока. Так што вер наіўным вершам I навек адно запомні: Толькі любую сустрэўшы, Станеш ты нарэшце поўны. Ды глядзі (I так бывае), Каб цябе не падлавіла Дарагая, дзелавая, Ды чужая палавіна. #ядвигапоплавская #александртиханович