Мой родны кут, як ты мне мілы Забыць цябе не маю сілы Не раз, утомлены дарогай Жыццём вясны маёй убогай К табе я ў думках залятаю І там душою спачываю, І там душою спачываю Вось як цяпер, перада мною Ўстае куточак той прыгожа Крынічкі вузенькая ложа І елка ў пары з хваіною Абняўшысь цесна над вадою Як маладыя ў час кахання Ў апошні вечар раставання Люблю цябе, мой бераг родны Дзе льецца Нёман срэбраводны Дубы дзе дружнай чарадою Стаяць, як вежы, над вадою Мой родны кут, як ты мне мілы Забыць цябе не маю сілы Мой родны кут, як ты мне мілы Забыць цябе не маю сілы --- Музыка: Iгар Лучанок Словы: Якуб Колас Дзяржаўны аркестр БССР імя Іосіфа Жыновіча --- Казлова Ніна Іванаўна Нарадзілася ў 1947 годзе. Оперная спявачка. Заслужаная артыстка Рэспублікі Беларусь (1984). Уладальніца медаля Францыска Скарыны. Выпускніца Беларускай дзяржаўнай кансерваторыі ім. А.В.Луначарскага. Пасля заканчэння, з 1972 года - салістка Беларускай дзяржаўнай філармоніі, з 1977-га - вядучая салістка оперы Нацыянальнага акадэмічнага Вялікага тэатра оперы і балета Беларусі, з 2003-га - загадчыца трупы салістаў оперы Вялікага тэатра. --- На фота: Ніна Казлова ля службовага пад'езда Вялікага тэатра. Канец 1970-ых - пачатак 1980-ых гадоў