Толькі першыя пралескі На палянах узышлі — Над разбуджаным узлескам Закружылі матылі. Закружылі, закружылі, Закружылі матылі. Сонца промні веснавыя Раскідала па зямлі. Пад вятрамі б'юць крыламі Маладыя матылі, Маладыя матылі, Маладыя матылі. А дзяўчаты на вяселле З васількоў вянок сплялі — Быццам стомлена прыселі Ім на рукі матылі, Ім на рукі, ім на рукі, Ім на рукі матылі. Як дадому к маладому Маладую павялі, Навакол сваты віліся, Як ля вішні матылі, Маладыя матылі, Маладыя матылі. Вось і восень залатая. Клёны сцежкі замялі. Адлятаюць, адлятаюць Жураўлі і матылі. Адлятаюць, адлятаюць Жураўлі і матылі. Не навечна, не навечна Дні юнацтва адплылі. Зноў агеньчыкамі ўспыхнуць Веснавыя матылі, Непаседы-матылі, Маладыя матылі... --- Музыка: Iгар Лучанок Словы: Генадзь Бураўкiн Эстрадна-сімфанічны аркестр Беларускага тэлебачання і радыё, мастацкі кіраўнік і дырыжор Барыс Райскі #игорьлученок #тамарараевская