Ой, Лявоніха, Лявоніха мая!
Спамяну цябе ласкавым словам я, --
Чорны пух тваіх загнутых брывянят,
Вочы яркія, вясёлы іх пагляд;
Спамяну тваю рухавую пастаць,
Спамяну, як ты умела цалаваць.
Спамяну цябе ласкавым словам я,
Ой, Лявоніха, Лявоніха мая!
Ой, Лявоніха, Лявоніха мая!
Дай жа бог табе даўжэйшага жыцця,
Дай на свеце сумным радасна пражыць,
Усіх вакол, як весяліла, весяліць.
Хай ніколі не забуду цябе я.
Ой, Лявоніха, Лявоніха мая!
#vilnius #lithuania #music