(у Дзень Роднай Мовы й па выніках тыдня). 21.02.2021 Сёньня, 21 лютага, я зьвяртаюся да Беларусаў на Бацькаўшчыне й віншую зь Днём Роднай Мовы! Хацеў бы нагадаць, што гэты дзень быў заснаваны UNESCO ў памяць аб застрэленых студэнтах, якія змагаліся за прызнаньне бэнгальскай мовы ў якасьці дзяржаўнай ва Ўсходнім Пакістане, які неўзабаве стаў незалежнай дзяржавай - Бангладэш. Таксама хацеў бы нагадаць,што менавіта 21 лютага 1918 году была абвешчана І Устаўная Грамата й як раз 19-21 лютага 1918, калі пасьля эвакуацыі савецкіх органаў улады сталі праяўляць сябе беларускія дабраахвотныя ваенізаваныя фармаваньні, на будынку дзяржаўнай адміністрацыі Мінску ўпершыню зьявіўся Бела-Чырвона-Белы Сьцяг, як сьцяг беларускай дзяржавы! Гэтыя гістарычныя падзеі зьяўляюцца пэўным чынам сымбалем для найноўшай гісторыі Беларусі - Беларуская Мова - як галоўная адметнасьць Беларускай Нацыі, Беларускі Бел-Чырвона-Белы Сьцяг - як сымбаль Свабоды й Незалежнасьці Беларусі - знакавыя, асабліва ў апошнія 6,5 месяцаў у Беларусі! На апошнім тыдні ўлада грамадзяніна лукашэнкі без, быццам бы, вайны й шырокамаштабных акцыяў пратэсту, на вялікі жаль, працягвае рэпрэсыі, якія выглядаюць, як сюррэалізм, беззаконае дзікунства мінулага стагодзьдзя (ці нават раней). Асабліва зьвяртае на сябе ўвагу абсурд "лукавага правасудзьдзя" - ахвяры працягваюць станавіцца абвінавачанымі, а кАты - пацярпелымі й сьведкамі! Так, абвінавачваецца Аляксандар Кардзюкоў - сьведка забойства Гэнадзя Шутава зь Берасьця. Вядома нават імя забойцы - капітан Раман Гаўрылаў, а загад страляць вайскоўцам аддаў генэрал-маёр Вадзім Дзенісенка! Вайскоўцы, датычныя да падаўлення мірных акцыяў - міжнародныя злачынцы! Улады, фактычна, хунты спрабуюць прадставіць нязгодных, пратэстоўцаў, як тэрарыстаў (справа Мікалая Аўтуховіча)! На гэтым тыдні працягнуліся абсурдныя па сваёй сутнасьці судзілішча-сынедрыёны над актывістамі, у тым ліку вырак і 2 гады зьняволеньня журналісткам "Белсату" Кацярыне Андрэевай і Дар'і Чульцовай, а таксама над журналісткай tut.by Кацярынай Барысевіч і доктарам Арцёмам Сарокіным. Таксама прайшло 40 вобшукаў-ператрусаў. Працягваецца суд над Віктарам Бабарыка. Прайшла атака й выдварэньне з Храму пратэстанцкай Царквы "Новае Жыцьцё"! ... Але Бог усё бачыць! Ёсьць такі выраз, які я хацеў бы нагадаць гэным "судзьдзям і сьведкам": сьпяшайцеся быць пакаранымі па зямных законах! Хай Вера, Мова й Беларускі Бел-Чырвона-Белы Сьцяг будуць Вам скрыжнямі, сымбалямі,якія дапамогуць прайсьці гэты пакутны шлях годна да канца! Жыве Беларусь!