Прапануем паслухаць лекцыю, падрыхтаваную Сяргеем Шупам, перакладчыкам і даследчыкам творчасці Мойшэ Кульбака — самага вядомага ў свеце пісьменніка Беларусі эпохі між дзвюма сусветнымі войнамі, які пісаў на ідышы. Госць раскажа пра драматычны жыццёвы шлях паэта і падмацуе расказ разнастайнымі візуальнымі матэрыяламі. Сяргей Шупа — перакладчык, лінгвіст, журналіст, працаваў у выдавецтве «Мастацкая літаратура», Скарынаўскім цэнтры, газэце «Наша Ніва» (Вільня), «Радыё Балтыйскія Хвалі», «Радыё Свабода». Цяпер — галоўны рэдактар выдавецтва «Вясна» (Прага). Укладальнік «Архіваў БНР», аўтар кнігі «Падарожжа ў БНР». Дарэчы, наша прастора размяшчаецца ў доме, дзе ў 1923-1928 гадах жыў Мойшэ Кульбак. Даведацца як правесці імпрэзу ў нашай прасторы можна на нашам сайце — https://createculture.space/