Мастацтвазнаўца і куратар Дзмітрый Салодкі пра традыцыйную беларускую культуру, міфы, архетыпы і матрыярхальнае грамадства. На прыкладзе твораў беларускага выяўленчага мастацтва Дзмітрый спрабуе па-новаму зірнуць на традыцыйны жаночы свет і адказаць на пытанні: Чаму зямлю звалі – «Маці-зямля»? Чаму ўвогуле было магчымае матрыярхальнае грамадства, і якія яго сляды захаваліся ў беларускай культурнай памяці? Якія атрыбуты жаночага побыту выкарыстоўваліся ў якасці інструмента жаночай ініцыяцыі пры нараджэнні дзяўчынак? Чаму ў міфалагічных уяўленнях смерць уяўлялі ў выяве старой, а не ў выяве старога? Як узаемаадносіны свякрухі і ятроўкі дэманстраваліся падчас вясельнага абраду? Дзмітрый Салодкі – мастацтвазнаўца, лектар, педагог, куратар выставачных праектаў. З 2009 па 2023 год – вядучы навуковы супрацоўнік, загадчык аддзела навукова-асветніцкай работы Нацыянальнага мастацкага музея. Куратар дзесяці выставачных праектаў Нацыянальнага мастацкага музея, некаторыя, з якіх былі самымі наведвальнымі праектамі бягучых выставачных сезонаў: «Чырвоны - код нацыі», «Чаму Ты Мяне пакінуў?», «Жаночы Род». З 2016 года – член міжнароднай рады музеяў ICOM. Дзмітрый ў Інстаграм: https://www.instagram.com/salodki_art/ Лекцыя праходзіла ў Віленскай прасторы — https://www.instagram.com/createculture.space