Тэма чарговай лекцыі з цыклу пра традыцыйную беларускую культуру прысвечана вобразам беларусаў XIX – пачатку ХХ ст., якія зафіксавалі фатографы і навукоўцы. Пра лекцыю: Хто і як фатаграфаваў беларусаў, навошта і чаму? Як фотаздымкі выкарыстоўваліся ў публічнай прасторы, на каго, што і якім чынам маглі ўплываць? Якія сэнсы і ідэі ўкладаліся ў гэтыя фотаздымкі? Ці была розніца паміж навуковай фіксацыяй і творчым працэсам? Фотаздымкі ўжо амаль два стагоддзя з’яўляюцца неад’емнай часткай нашага жыцця. Мы ўжо настолькі прызвычаіліся да іх, што перасталі заўважаць. Аднак так было незаўсёды. Першыя фатографы аказалі больш значны ўплыў, чым можа сёння падавацца. Іх фотаздымкі з’яўляліся ў кнігах аб гісторыі і культуры Беларусі, аб’явах, плакатах ці на выставах і ў музеях, ствараючы вобраз нашага краю, які на доўгі час замацаваўся як кананічны. Лектар – дацэнт Акадэмічнага дэпартамента гуманітарных навук і мастацтваў Еўрапейскага Гуманітарнага Ўніверсітэта Сцяпан Захаркевіч.