Адзіную копію гэтай даўно страчанай стужкі адшукаў у польскіх архівах даследчык з Берасця Вячаслаў Мартысюк. Ёсць усе падставы меркаваць, што гэта першы беларускі фільм у гісторыі. Вядзецца пра пачатак экранізацыі легендарнай «Энеіды навыварат», якую беларускія адраджэнцы з асяроддзя «Нашай Нівы» паспрабавалі зняць ужо ў 1910-м годзе, то бок фактычна адразу пасля таго, як у Беларусі з’явіўся першы кінаапарат. У ролі Эола зняўся Ўладзіслаў Галубок, у ролі Юноны — Паўліна Мядзёлка, але праз няякаснае асвятленне і аматарскае злоўжыванне грымам іх амаль не пазнаць. Рэшту фільма адраджэнцы зняць не паспелі, бо матэрыял канфіскавала царская ахранка. Заснавальнікі літаратурнай прэміі «Празрысты ЭОЛ» кашчунна выкарысталі стужку ў якасці прома-роліка да першага ўганаравання лаўрэатаў прэміі, якое адбылося ў Мінску 22 сакавіка 2019 года. Аўтар найноўшай музыкі да фільма — Цімур Рэйзіс (Timur Reizis). https://premija.litrazh.org/