Пераклад - Макс Шчур Сьвет навокал ці бардак? Можа, што раблю ня так? Калі можаш, то парай, як трапляюць зь пекла ў рай. І чаму самотна мне, і дзе радзіма для мяне, і як перамагчы адчай – толькі шмат не павучай. Ёсьць час пашукаць усяму прычын, крыху пратрываць, і аддзячыць будзе чым. Мы толькі на пачатку, далёка не канец. Мы толькі на пачатку, то не кажы, што дасьпяваць мне не пасьпець. Колькі грошай ні вазьмі, а за іх людзям шчасьця не купіць, колькі на агонь ні дзьмі, а маё сэрца болей не гарыць. Настане пара, і зазьзяе зара, і зьнікне зданяў рой. І скончыцца зьдзек, і вернецца дзень – а зараз ноч, дык мрой. Прашу, стрывай, не пакідай надзеі на сьвятло, любіць пачнеш, і стане лепш, бо горш ужо было. Мы толькі на пачатку, далёка не канец. Мы толькі на пачатку, то не кажы, што дасьпяваць мне не пасьпець.