Пераклад - Макс Шчур Пусткі ў местах... Скажы, нашто жывём? Сышлі бязь вестак, імя ім – легіён. Зноў і зноў – хто ведае, чаго шукаем днём з агнём? Вось новы ідал, шаленец з новым злом, у пантаміме, за безьліччу заслон. Фронт трымай – хто ж хоча бегчы ўперад, галавы на злом? Уключайся ў шоў! Уключайся ў шоў! Хай надарвецца сэрца, грым з твару абдзярэцца – сьмех прайшоў? Дык шчэрся. Што будзе – будзе, кіруе лёс няхай, нажом у грудзі – ад той, каго кахаў. Зноў і зноў – хто ведае, нашто на сьвеце мы жывём? Я ўсё ж вучуся любіць крыху хаця б, я апынуўся на ростанях жыцьця. Знадворку дзень бярэцца, душа ж у цемры б'ецца – волі дай! Уключайся ў шоў! Уключайся ў шоў! Хай надарвецца сэрца, грым з твару абдзярэцца – сьмех прайшоў? Дык шчэрся. Мая душа, як крылы мятліка, зіхціць. Былыя казкі вырастуць, ды вечна будуць жыць – да вышынь, сябры! Уключайся ў шоў! Уключайся ў шоў! Усьмешкаю сустрэнь чарговы новы дзень – будзе шоў! Твой выхад, клоўн, дык будзь гатоў, каб сілу дзе знайшоў вярнуцца ў шыхт, уліцца ў шоў, быць часткай шоў. І ўсё наноў, наноў, наноў, наноў.