Чытае Андрэй Каляда. Раздзел IV. «На першай гаспадарцы». Браты Антось і Міхал мяркуюць, дзе ўзяць грошай для пакупкі зямлі. Ганна, маці, выказвае сумненні :«Няпэўна ўсё і невядома, дык больш пільнуйцеся вы дому!». Антось прапаноўвае выбраць часіну і «агледзець… як мае быць Заблонне тое». Аўтар знаёміць з палясоўшчыкам Міхалам, якога «ўся воласць наша знала», нават сам князь «не раз з Міхалам меў размову». За верную службу ў вёсцы лесніка любілі мала. Міхал, ажаніўшыся, аддзяліўся ад бацькі і пайшоў на службу. Ляснічы выдзеліў месца Міхалавай сям’і «ў страшнай дзічы… дзе рос сівец ды пырнік густа». На дапамогу брату прыйшоў Антось, які ўзваліў на сябе амаль увесь сялянскі клопат. Але праз пяць гадоў сям’і лесніка было прапанавана іншае месца.