Біблія Скарыны ў Мінску. Унікальны рарытэт з 500-гадовай гісторыяй упершыню на беларускай зямлі. Кнігу даставілі прамым рэйсам з Масквы ў вогнетрывалым кейсе. У суправаджэнні ДАІ. Амаль год кніга знаходзілася на рэстаўрацыі. Пасля філіграннай рэанімацыі выданне, надрукаванае выхадцам з Полацка Францыскам Скарынам, нарэшце на гістарычнай радзіме. Усе падрабязнасці ў Ніны Мажэйкі. Нацыянальны рарытэт сустракаў зубр. Сведка беларускага Адраджэння на ўваходзе ў віп-залу аэрапорта. Галоўная праца жыцця першадрукара Скарыны ў вогнетрывалым кейсе. Даставілі кур'ерам. У рэжыме надзвычайнай сакрэтнасці. Мінаючы прэсу, картэж міліцэйскага суправаджэння адпраўляецца да месца прызначэння - у Нацыянальны гістарычны музей. Адразу да месца экспанавання. Задача прадстаўніка музея - упэўніцца, што ўсе ўмовы захавання выкананыя. Кейс адкрылі ў прысутнасці абодвух бакоў. Старадрук з фонду Івана Царскага. Якім чынам Біблія Скарыны трапіла ў рукі маскоўскага купца, дакладна невядома: у гэтай гісторыі шмат белых плямаў. Але дзякуючы Царскаму рарытэт міжнароднага маштабу трапляе ў калекцыю графа Уварава - заснавальніка Гістарычнага музея Масквы. Нягледзячы на тое што мова Бібліі – царкоўнаславянская, у Святым Пісанні шмат беларусізмаў. Па-беларуску ў ВКЛ размаўлялі, выдавалі граматы і прывілеі, пісалі соймавыя дакументы. Cкарынаўскі экзэмпляр прызначаўся не для літургій, а для штодзённага чытання. Пра гэта сведчыць і памер выдання. Калі, напрыклад, напрастольнае Евангелле ў той час рабілі ў ліст, то Скарына надрукаваў у чацвёрку ці васьмёрку - гэта значыць, у чатыры ці восем разоў менш. Скарына змясціў пад адной вокладкай адразу 6 кніг. У аснове старазапаветныя прытчы. Выкарыстоўвае чорны і чырвоны колеры. Адзіны змяшчае сваю выяву ў Святым Пісанні. Дзякуючы гэтай смеласці сёння мы ведаем, як выглядаў першадрукар. У такім разгорнутым выглядзе на адпаведнай старонцы з гравюрай Скарыны кнігу пакінуць пад шклом. Вітрыну выканалі спецыяльна для экспазіцыі. Вугал нахілення пастамента яшчэ трэба дапрацаваць. 130 - 150 градусаў. У комплекснай экспазіцыі падтрымліваюць тэмпературны рэжым. Маштабную экспазіцыю Нацыянальны гістарычны рыхтуе да 7 верасня. Па супадзенні амаль што да дня горада Мінска. У год, калі Біблія адзначае 500-годдзе. У той час, калі Беларусь адраджае духоўнасць. _______________________________________ Библия Скорины в Минске. Уникальный раритет с 500-летней историей впервые на белорусской земле. Книгу доставили прямым рейсом из Москвы в огнеупорном кейсе. В сопровождении ГАИ. Почти год книга находилась на реставрации. После филигранной реанимации издание, напечатанное уроженцем Полоцка Франциском Скориной, наконец на исторической родине. Все подробности у Нины Можейко.