А цяпер пра дасягненні ў галіне гістарычных даследаванняў і захаванне нашай культурнай спадчыны. Калекцыя даспехаў і зброі адной з самых багатых дынастый Еўропы - Радзівілаў - заставалася белай старонкай у нацыянальнай гістарыяграфіі. Было вядома толькі пра некалькі прадметаў. Зараз жа ведаюць пра сотні. Усё гэта знайшло адлюстраванне на старонках альбома «Нясвіж. Палацава-паркавы ансамбль. Калекцыя зброі і даспехаў». За гэтую працу спецыяльнай прэміяй Прэзідэнта ганараваны намеснік дырэктара музея-запаведніка «Нясвіж» Сяргей Егарэйчанка. Высокую ўзнагароду напярэдадні ён атрымаў з рук Прэзідэнта. Алена Борматава - пра тое, як вяртаюць здабытак краіны.