На працягу тыдня ва ўсіх радзільных дамах Мінска для будучых матуль, сем'яў, якія плануюць дзяцей, праводзілі дні адчыненых дзвярэй. Бацькі маглі пазнаёміцца з медыцынскім персаналам, задаць пытанні, ацаніць умовы ўстаноў аховы здароўя. У будучыні мерапрыемства для сталіцы плануецца зрабіць традыцыйным. За самаадданасць прафесіі падчас праекта ўзнагародзілі самых дасведчаных акушэрак, якія працуюць у радзільных дамах ужо больш як 30 гадоў. Таксама падчас акцыі жыхарам сталіцы, якія ўжо сталі бацькамі, прапанавалі аддаць свой голас за ўстанову аховы здароўя, калі яны засталіся задаволенымі ўсімі этапамі знаходжання там. Вынікі галасавання за самы "Добразычлівы да сям'і радзільны дом Мінска" аб'явяць на наступным тыдні.