Канікулы ў фармаце «ай-ці». У дзіцячых лагерах Мінскай вобласці развіваюць адукацыйныя напрамкі, звязаныя з сучаснымі тэхналогіямі. Так, у Маладзечанскім раёне школьнікі засвойваюць асновы робататэхнікі і пілатавання квадракоптараў. Акрамя таго, спрабуюць сябе ў ролі відэаблогераў і фатографаў. “Ай-ці” лагер аб'яднаў школьнікаў розных узростаў – гэтым летам такі курс пройдуць больш за паўсотні дзяцей. Запусціць свой блог ці навучыцца кіраваць квадракоптарам. А ў Мінскай вобласці развіваюць розныя напрамкі смарт-адпачынку. Дарэчы, такія адукацыйныя праекты прадоўжацца і падчас восеньскіх канікул.