Святочныя мерапрыемствы ладзілі на працягу тыдня. Кожны клас стараўся здзівіць арыгінальным віншаваннем - музычным, танцавальным або паэтычным. А кульмінацыяй стаў сённяшні ўрачысты вечар. Мерапрыемства праходзіць у медыцынскім універсітэце. І гэта невыпадкова. Сярод выпускнікоў гімназіі больш за 70 урачоў, а таксама 49 лаўрэатаў спецфонду Прэзідэнта. Акрамя медыцынскіх класаў, даюць добрую базу матэматыкам, фізікам, філолагам. Гімназія сярод першых у Мінску, дзе пачалі выкладаць кітайскую мову. За самаадданую працу і прафесіяналізм настаўнікаў 12-й гімназіі адзначылі ганаровымі граматамі Міністэрства адукацыі Беларусі.