Вынікі медыцынскіх даследаванняў анлайн. Доступ да электроннай амбулаторнай карты адкрылі для пацыентаў. На віртуальнай старонцы дубліруюць інфармацыю аб прышчэпках, медыцынскіх рэцэптах і вынікі аналізаў. Прычым, на віртуальную пляцоўку яны трапляюць адразу з лабараторыі. Пілотны праект стартаваў пакуль у дзвюх сталічных паліклініках. У хуткім часе зазірнуць у сваю электронную медыцынскую карту змогуць усе жыхары Мінска. Карысныя новаўвядзенні аб'яднае гарадскі праект "Клапатлівая паліклініка". Каб скараціць чэргі і аптымізаваць дзейнасць амбулаторый, з'явіцца кол-цэнтр, па-новаму будзе арганізавана і рэгістратура. Клапатлівымі стануць усе гарадскія паліклінікі. Каб эканоміць час пацыентаў, стане больш і ўрачоў агульнай практыкі. Прыём універсальнага доктара заменіць першасную кансультацыю адразу некалькіх профільных спецыялістаў.