Там сёння абласны этап рэспубліканскага конкурсу. Сярод прэтэндэнтаў на перамогу - танцавальны калектыў "Наш стыль" з Маладзечна. Школьнікі гімназіі-каледжа мастацтваў штогод удзельнічаюць у конкурсах абласнога і рэспубліканскага ўзроўняў. І гэта звычайная практыка для ўстановы, дзе сёння больш за 30 творчых калектываў. 4 - маюць званне ўзорны. З незвычайна творчай школы - рэпартаж Наталлі Кезік. Галопам з прытопамі і прыскокамі на школьных занятках па харэаграфіі. Сямікласніца Дар’я Шалкоўская прызвычаілася да незвычайнага раскладу ўрокаў, дзе акрамя матэматыкі і хіміі, ёсць і харэаграфічныя дысцыпліны. У танцавальны дзяўчынка прыйшла ў першым класе, затым стала ўдзельніцай ансамбля сваёй гімназіі. Сцэна ў Маладзечанскай гімназіі-каледжы мастацтваў рэдка пустуе. Танцораў адразу змяняюць музыканты. Узорнаму ансамблю скрыпачоў больш за 20 гадоў. У калектыве вучні рознага ўзросту. Усе яны віртуозна валодаюць смычком. За скрыпачамі - на чарзе юныя акцёры і вакалісты. А ў будучых мастакоў тут ёсць асобныя лабараторыі-класы - з мальбертамі, пэндзлямі і фарбамі. Заняткі па жывапісе для навучэнцаў каледжа праходзяць у сапраўднай творчай майстэрні. Настаўнік загадзя рыхтуе заданні, вось, напрыклад, такі нацюрморт. А выкладае дысцыпліну - прафесійны мастак. У творчым партфоліа Мікалая Аўчыннікава - больш за 200 ўласных выстаў. Але актыўная прафесійная дзейнасць ніколі не перашкаджала мастаку даваць урокі. Выкладаць выяўленчае мастацтва ў гімназіі-каледжы ён пачаў адразу, як толькі тут адкрылі мастацкі клас. Заняткі па чатырох відах мастацтва ўключаны ў расклад з першага класа. 6 урокаў на тыдзень на працягу 9 класаў. Затым можна паступіць у каледж (на базе гэтай жа гімназіі) і атрымаць спецыяльнасць настаўніка-мастака, акцёра ці музыканта. У каледжы - больш за 30 творчых калектываў. 4 з іх маюць званне ўзорных. Да таго ж, вучні гімназіі рэгулярна становяцца пераможцамі рэспубліканскіх і міжнародных прадметных алімпіяд. А атрымліваць выдатныя адзнакі па біялогіі, літаратуры ці гісторыі ім дапамагае любоў да мастацтва.