Гэты ўрок сёння праходзіў не за партамі. А замест канспектаў і падручнікаў - экскурсія, якая расказала пра будучую прафесію. Вучэбным кабінетам для навучэнцаў каледжа сучасных тэхналогій у машынабудаванні і аўтасэрвісе сталі пляцоўкі Мінскага трактарнага завода. Моладзь пазнаёмілася з тэхнічным працэсам і гісторыяй прадпрыемства. Актывісты студэнцкіх арганізацый і маладыя лідары таксама паўдзельнічалі ў адкрытым дыялогу з прадстаўнікамі грамадскага аб'яднання "Белая Русь". Размову прысвяцілі тэме "Малая радзіма". Навучэнцы каледжа тэхналогій у машынабудаванні і аўтасэрвісе на базе Мінскага трактарнага завода таксама праходзяць прафесійную практыку, а многія пасля вучобы становяцца часткай гэтага калектыву.