Падчас гульні або спаборніцтваў веды набываюцца лягчэй. Абласная алімпіяда па правілах дарожнага руху сабрала паўсотні школьнікаў. Дарэчы, Мінская вобласць – адзіная ў краіне, дзе ладзяць такі турнір. За перамогу вучні спаборнічалі як паасобку, так і ў камандзе. Заданні выконвалі ў спецыяльнай камп'ютарнай праграме: яна стварае рэалістычныя дарожныя сітуацыі.