Made in Minsk! 37 тавараў, зробленых у сталіцы, сталі лепшымі ў краіне па выніках 2017. Кіраўнікам 21 сталічнай фабрыкі і кампаніі сёння ўзнагароды ўручыў мэр Мінска Андрэй Шорац. Штогод у конкурсе "Лепшыя тавары Беларусі" сталічныя вытворцы паказваюць выдатныя вынікі. Сёлета колькасць пераможцаў ад Мінска павялічылася. На імправізаванай выставе ў памяшканні ратушы пераможцы прадэманстравалі сваю прадукцыю - хлебабулачныя, кандытарскія вырабы, прамысловыя тавары, інавацыйныя распрацоўкі. Арганізатар конкурсу - Дзяржаўны камітэт па стандартызацыі - вызначае пераможцаў згодна з водзывамі спажыўцоў і ацэнкай незалежных экспертаў. Арганізацыі-пераможцы атрымалі права размяшчэння афіцыйнага лагатыпа конкурсу "Лепшы тавар Рэспублікі Беларусь" на ўпакоўцы, а таксама ў рэкламных матэрыялах.