Развіваць эканоміку і прамысловасць, ствараць новыя працоўныя месцы, удасканальваць транспартную, культурную, спартыўную сферы. Кожны раён Мінска ставіць перад сабой новыя задачы, галоўныя з якіх - камфорт і дабрабыт гараджан. Пра гэта заявілі на ўрачыстым мерапрыемстве, прысвечаным 80-годдзю Заводскага, Савецкага і Кастрычніцкага раёнаў сталіцы. Як адзначылі на сцэне Палаца Рэспублікі, адзін з агульных актуальных трэндаў для горада - паляпшэнне турыстычнага іміджу і экалогіі. Прадстаўнікі кожнага з трох раёнаў – юбіляраў Мінска таксама атрымалі віншаванні і ўзнагароды ад кіраўніцтва краіны. Так, ганаровыя граматы ўручылі кіраўнікам арганізацый і прадпрыемстваў, людзям у пагонах, урачам, настаўнікам.