Віртуальная рэальнасць, як дэкарацыі падчас урокаў. Так у сталічнай гімназіі нумар 37 вучні мяняюць сшыткі на планшэты. Заданні выконваюць у электроннай сістэме з дапамогай спецыяльных пультаў, або зашыфроўваюць адказы ў мабільным дадатку. Такім чынам, навучальны працэс паскараецца і становіцца больш займальным. Сярод ноу-хаў — і 3D-сістэма па вывучэнні геаметрыі, інтэрактыўныя карты па гісторыі і геаграфіі. А для малодшых школьнікаў распрацаваны спецыяльны канструктар, які дапамагае лепш засвойваць англійскую мову.