Яны танцуюць, спяваюць, наведваюць лінгвістычныя курсы, заняткі па камп'ютарнай грамаце і падарожнічаюць. Міжнародны дзень пажылых людзей адзначаюць сёння ў Беларусі. Самых актыўных аб'яднаў фестываль "Крэатыўны ўзрост". Яго ўдзельнікі наведвалі аграсядзібы, дэманстравалі свае захапленні і хобі, знаёміліся з народнай творчасцю і этнаграфічнымі асаблівасцямі розных рэгіёнаў краіны. Удзельнічалі ў майстар-класах і дзяліліся сваімі жыццёвымі гісторыямі.