Напрыканцы выпуску - пра тых, каму мы ўдзячныя за цудоўныя школьныя гады і за атрыманыя веды. У сталіцы працягваецца марафон віншаванняў да Дня настаўніка. Сёння па традыцыі ў большасці школ і гімназій ладзіцца дзень самакіравання. Вучні прымяраюць на сабе ролю выкладчыка, старшакласнікі праводзяць урокі ў малодшых класах. Каб зразумець усю складанасць і адказнасць гэтай прафесіі. Да кветак і віншаванняў далучаюцца музычныя падарункі. Так, у сталічнай школе нумар дзвесце чатыры канцэрт да Дня настаўніка стаў яшчэ і першай творчай справаздачай. Установа адукацыі пачала працу ў верасні. Віншаванні прымаюць не толькі настаўнікі, але і выхавальнікі дзіцячых садкоў, выкладчыкі ўніверсітэтаў, метадысты - тыя людзі, якія займаюцца навучаннем і выхаваннем.