32 гады таму 26 красавіка здарылася аварыя на Чарнобыльскай АЭС. Сёння ў сталічным парку Дружбы народаў адбыўся мітынг-рэквіем каля мемарыяльнага комплексу ахвярам тэхнагеннай аварыі. Сведкі тых падзей сабраліся разам, каб ушанаваць памяць пацярпелых. Персанальнай гэта трагедыя стала для двух мільёнаў беларусаў, забруджаны радыяцыяй былі 53 раёны нашай краіны. Некаторыя населеныя пункты і зараз застаюцца ў зоне адчужэння.