Танцоры ад 7 да 17 гадоў удзельнічалі ў батлах: дэманстравалі адточаную тэхніку выканання рухаў і свае творчыя імправізацыі. Лепшых вызначалі вопытныя танцоры, прадстаўнікі вядомых брэйк-данс-каманд з Беларусі, Расіі і Латвіі. Дарэчы, гэты фестывальны праект ладзіцца ўжо трэці раз і заўсёды адкрывае новыя танцавальныя таленты. Гэтая танцавальная культура ў сталіцы развіваецца даволі актыўна. Дзеючыя чэмпіёны Еўропы па дзіцячым брэйк-дансе - выхаванцы цэнтра дадатковай адукацыі дзяцей і моладзі «Вікторыя» Партызанскага раёна.