Маштабная рэканструкцыя сацыяльных устаноў, этнафест з пачастункамі і старажытнымі танцамі, а маладзёжныя парламенты з 25 гарадоў Беларусі сустрэліся ў Магілёве абмеркаваць актуальныя пытанні. Дайджэст падзей усходняга рэгіёна працягвае праграму. Магілёву прапанавана стаць пілотнай пляцоўкай праекта ЮНІСЕФ "Бюджэтнае фінансаванне у інтарэсах дзяцей". Улічвалася колькасць дзіцячых пляцовак, цэнтраў для развіцця талентаў, перспектыва будаўніцтва адукацыйных устаноў. Такі вынік маладзёжнага форуму, які сабраў у абласным цэнтры падлеткавыя парламенты з 25 гарадоў Беларусі, прадстаўнікоў выканкамаў, розных міністэрстваў, дэпутатаў, дзіцячага фонда, банкаў і грамадскіх арганізацый. Разам яны абмеркавалі з дзясятак актуальных тэм, у тым ліку - наколькі эфектыўна рэалізавана сацыяльная палітыка для дзяцей. І прапанавана моладзі прымаць як мага большы удзел у жыцці краіны. Сацыяльныя установы Магілёўскай вобласці у стадыі маштабнага абнаўлення. Медыцына не выключэнне. У гарадской бальніцы хуткай дапамогі пачаўся мантаж сучаснага магнітна-рэзананснага тамографа. Можна сказаць, прэміум-класа - ён вельмі інфарматыўны ў дыягностыцы неўралагічных і артапедычных адхіленняў у здароў’і чалавека. І, што асабліва важна, дзяцей. Ён стане чацвёртым апаратам МРТ у рэгіёне. Працаваць будзе аўтаномна і кругласутачна. Галоўны палац вобласці пасля маштабнай рэканструкцыі рыхтуецца да адкрыцця. Шмат залатых фарбаў, вітражы, мармур, калоны. Архітэктары запэўніваюць - палац будзе адпавядаць сваёй назве. Упрыгожыць фае велізарная люстра вытворчасці лідскіх майстроў вагой амаль тону і дыяметрам ажно 6 метраў. А яшчэ новая мэбля, святло і гукавое абсталяванне. У верасні палац прыме першых гасцей. Аграгарадок Радамля, што у Чавускім раёне, стаў цэнтрам вялікага этнафестывалю. Па звестках гісторыкаў, да 17 стагоддзя менавіта тут знаходзіўся горад усходне-славянскага племя радзімічаў. Ён значыўся буйным гандлёвым цэнтрам. А жыхары, зразумела, любілі святы. Пазнаёміць гасцей з бытам сялян, гульнямі, як апраналіся у той час, дапамагалі мясцовыя артысты і майстры. Такія фэсты узбагачаюць веды - упэўнены мясцовыя жыхары і сапраўды ганарацца сваёй малой радзімай, якая захоўвае старажытныя традыцыі.