Рэкорды па колькасці выратаваных жыццяў ставяць хірургі, кардыёлагі, рэаніматолагі Баранавіцкай бальніцы. 10 хвілін ад моманту рэгістрацыі кардыяграмы да аперацыі на сэрцы - такі рэкорд экстраннай дапамогі ўстанавіла каманда баранавіцкіх урачоў Heart-Teaм. Больш за два гады ў горадзе функцыянуе Баранавіцкі міжраённы кардыялагічны цэнтр, дзе штодзень ратуюць жыцці. А вызначаць патэнцыяльных пацыентаў хірургам дапамагаюць сямейныя або ўрачы агульнай практыкі ў невялікіх вёсках. Тэрапеўты вызначаюць сардэчнікаў і адразу адпраўляюць іх на абследаванне ў горад. Надзея Сербіненка - з падрабязнасцямі з Баранавіцкага раёна. Вось так жыхара вёскі Малая Каўпеніца ўрачы выратавалі ад магчымага інфаркта. Максімальна хутка мужчыну даставілі ў Баранавічы - у міжраённы кардыялагічны цэнтр. Дзе пасля абследавання быў пастаўлены дыягназ: упершыню ўзнікшая стэнакардыя. Кардыёлагі прынялі рашэнне ўсталёўваць у сэрцы стэнт. Кругласутачна ў Баранавіцкай бальніцы працуе ангіяграфічны кабінет апошняга пакалення для аперацый на сардэчна-сасудзістай сістэме. У хірургаў ёсць не больш за дзве гадзіны, каб выратаваць пацыента з вострай паталогіяй. Інакш можна не паспець… Прадухіліла магчымы інфаркт у пацыента Уладзіміра каманда маладых хірургаў-кардыёлагаў. Кіраваў працэсам Андрэй Галец - загадчык ангіяграфічнага кабінета. 10 хвілін ад моманту рэгістрацыі кардыяграмы да аперацыі на сэрцы - такі рэкорд экстраннай дапамогі ўстанавіла каманда баранавіцкіх урачоў HEART TEAМ. У Баранавічах ужо больш за два гады паспяхова працуе міжраённы кардыялагічны цэнтр. Складаных пацыентаў больш не трэба транспартаваць у Брэст ці Мінск. Ім дапамагаюць мясцовыя ўрачы. А вось вызначаць патэнцыяльных пацыентаў кардыёлагам дапамагаюць сямейныя або ўрачы агульнай практыкі ў невялікіх вёсках. Тэрапеўты вызначаюць сардэчнікаў і адразу адпраўляюць іх на абследаванне ў горад. Так і ў аграгарадку Мір на тысячу людзей насельніцтва ёсць свая амбулаторыя ўрача агульнай практыкі. У Брэсце - у новым медыцынскім комплексе ў Зарэчным раёне горада - плануюць стварыць новы абласны кардыялагічны цэнтр. Гэта будзе шматпрофільны стацыянар з дыспансерным аддзяленнем, амбулаторным прыёмам, дыягностыкай і дзвюма аперацыйнымі. На базе цэнтра будзе сканцэнтраваная ўся неабходная кардыялагічнай дапамога.