На восьмым кірмашы "Смарт-патэнт" паказана амаль сотня інжынерных рашэнняў у прамысловасці, медыцыне, касманаўтыцы, 3D-мадэляванні, а таксама сацыяльныя праекты: сурдагід і майстэрня для працаўладкавання людзей з абмежаванымі магчымасцямі. Адначасова з дэманстрацыйнымі пляцоўкамі праходзяць майстар-класы і адукацыйныя семінары. А ў гэтыя гадзіны — конкурс стартапаў. “Смарт-патэнт” сёлета самы значны навукова-моладзевы форум. За два дні школьнікі, студэнты і маладыя навукоўцы зачытаюць амаль паўтысячы дакладаў.